EL CELLER, CAMPIÓN DO VI CUME TAPAS DE MONFORTE.

A tapa “Tramontana”, ofrecida por El Celler, foi a máis votada na sexta edición do Cume Tapas de Monforte, organizado pola APEHL. A segunda posición foi para o restaurante O Grelo, coa súa proposta “As bólas do Manti…con xamón”, e o terceiro lugar deste podio gastronómico correspondeulle a Los Goya coa súa tapa de “Solombo de porco sobre puré de pataca e purito de zorza”. Por outra banda, o xurado profesional recoñeceu como mellores establecementos na categoría de tapa tradicional ó Plaza, Cardenal, Casa Carballo e Cristal. En tapa creativa, destacaron a El Celler, Picota, Edulis e A Troula, mentres na modalidade de mellor maridaxe con viño da Ribeira Sacra foron elixidos A Troula, Edulis, El Celler e Cristal. Por último, as mencións para as mellores tapas elaboradas con queixo do Cebreiro Marqués de Cernadas foron para Cardenal, Picota, Parador de Turismo e O Grelo.•