Tan só cinco concellos do sur lucense rexistraron un aumento do paro no quinto mes de 2014

• A provincia de Lugo rexistrou unha baixada xeralizada do desemprego durante o mes de maio, cun 2,67% menos de parados que en abril de 2014. A diminución do desemprego contabilizouse en todas as comarcas agás Quiroga, onde o paro medrou un 1,39%. A baixada máis destacada por comarcas estivo en A Ulloa, cunha redución do paro do 6,12% no último mes. No sur lucense, o mellor rexistro foi o da comarca de Sarria, cunha baixa do 3,97%, o que supón o cuarto mellor dato comarcal na nosa provincia. Pola súa banda, Terra de Lemos contabilizou un descenso do paro dun 0,73%, e a comarca de Chantada rexistrou unha caída do paro do 2,60%.

SÓ MEDROU O PARO EN CINCO CONCELLOS DO SUR DE LUGO
En canto ós datos por concellos no sur de Lugo, só en catro municipios medrou o desemprego no último mes. A suba máis destacada estivo en Sober, cun repunte do paro do 9,48%, seguido a distancia por Folgoso do Courel, cun 3,27% máis de parados. Ademais, o desemprego aumentou un 1,41% en Quiroga, un 1,11% en Bóveda, e un 1,08% en Láncara.
A BAIXADA DO PARO NO SUR DE LUGO, CONCELLO A CONCELLO
A reducción do paro máis destacada no sur lucense rexistrouse en Paradela, cun 9,89% menos de desempregados, seguida de O Incio, cunha baixada do 8,33%, e de O Páramo, cun 7,69% menos de parados. Pola súa banda, Samos rexistrou unha caída do desemprego do 5,88%, e Triacastela baixou en 4,87%. Os datos de paro para o resto dos municipios do sur lucense foi como sigue: Carballedo (-4,76%), O Saviñao (-3,92%), Sarria (-3,59%), Chantada (-2,94%), A Pobra do Brollón (-1,81%), Pantón (-1,16%), e Monforte de Lemos (-0,89%).
Pola súa banda, os concellos de Taboada e Ribas do Sil non experimentaron variacións nos datos do desemprego respecto do mes anterior.•