• O domingo 8 de xuño tivo lugar en Lalín a XX Romería Anual da Federación Galega de Círculos e Casinos Culturais, na que participou unha expedición do Círculo Saviñao. A xornada comezou cunha cálida acollida por parte do alcalde de Lalín na moderna Casa Consistorial, pola que os participantes realizaron unha visita guiada. A continuación, desprazáronse ata o museo Ramón María Aller. Despois, a comitiva do Círculo Saviñao presentou na parroquia de acollida a tradicional ofrenda, como lle corresponde por exercer este ano a presidencia da Federación. Logo da misa cantada pola Coral de Lalín, os visitantes disfrutaron dun concerto da prestixiosa Banda de Lalín no Auditorio Municipal. A xornada festiva rematou cun xantar de confraternidade no Pazo de Bendoiro, amenizado polo grupo local “De perdidos al Trío”.•
