• Según o informe “A Sociedade da Información e os autónomos de Galicia”, elaborado polo Observatorio galego da Sociedade da Información e a Modernización, un 28,3% dos autónomos galegos emprega as redes sociais, fronte ó 24,3% das sociedades, e case dous puntos máis que a media global das microempresas. O informe revela tamén que máis da metade dos autónomos con conexión a Internet acceden á Rede a través de banda larga móbil, o que supón case 18 puntos máis que o ano pasado. A pesar da súa relativa novidade, un 8,5% dos autónomos galegos xa optaron pola xestión da información na Nube. A súa implantación non está tan afastada da acadada pola media xeral das microempresas (9,7%). Os principais usos do Cloud Computing son o almacenamento e o backup. En canto ós datos do comercio electrónico, o informe elaborado polo Observatorio galego da Sociedade da Información e a Modernización, só o 7,3% dos autónomos compra a través de Internet, e só un 1,3% vende os seus produtos na Rede.•
Últimas noticias sobre INFRAESTRUTURAS
O presidente, José Tomé Roca, comprobou o avance dos traballos na LU-P-0901 entre os quilómetros 8,3
A Xunta de Goberno da Deputación de Lugo aprobou un novo investimento que supera os 800.000€
O alcalde de Monforte, José Tomé Roca, vén de presentar nunha rolda de prensa o anteproxecto
A Xunta de Galicia anunciou que, nas próximas semanas, iniciarán as obras de restauración do claustro