PRESENTÁRONSE CINCO OFERTAS PARA AS OBRAS DE MELLORA DAS ESTACIÓNS DE AUTOBUSES DE SARRIA, VIVEIRO, MONDOÑEDO, VILALBA E RIBADEO

A Consellería de Medio Ambiente, Territorio e Infraestruturas recibiu un total de cinco ofertas para a execución das obras de mellora destas estacións de autobuses, incluídas dentro do Plan Renove de Galicia. Os traballos de mellora da accesibilidade das instalacións e dos sistemas de información nas estacións de Viveiro, Ribadeo, Mondoñedo, Vilalba e Sarria, foron licitadas pola Dirección Xeral de Mobilidade por un importe de case 30.000 euros (27.387,21€). Na actualidade está a valorar as ofertas recibidas, co fin de adxudicar este contrato e poder iniciar as obras tras a sinatura do mesmo. Na estación de Sarria realizaranse arranxos nos falsos teitos, aseos, puntos de luz ou canalóns; pintado dos bancos e limpeza do lucernario, e se potenciará a accesibilidade dos usuarios. •