A Pobra do Brollón celebrará o 12 de xullo a I Feira Medieval Guímara

Nova cita lúdico-cultural na comarca de Lemos

As demostracións de cetrería son un dos grandes atractivos das Feiras Medievais, e tamén terán o seu espazo na I Feira Medieval Guímara de A Pobra do Brollón. (Arquivo EC).
As demostracións de cetrería son un dos grandes atractivos das Feiras Medievais, e tamén terán o seu espazo na I Feira Medieval Guímara de A Pobra do Brollón. (Arquivo EC).

A comarca de Lemos xa conta cunha nova cita festiva, na que a viaxe no tempo e a recreación dos oficios e tradicións populares serán os protagonistas. O entorno do Campo da Feira de A Pobra do Brollón acollerá a I Festa Medieval Guímara o vindeiro sábado 12 de xullo, nunha xornada na que haberá xogos tradicionais e gastronomía típica, así como música e animación polas rúas.

DEMOSTRACIÓN DOS OFICIOS TRADICIONAIS POLA MAÑÁ
A I Feira Medieval Guímara comezará sobre as once da mañá, na que abrirán os postos de artesanía e gastronomía. Ó mediodía iniciaranse os espectáculos ambientados na Idade Media. Así, ás doce terá lugar unha exhibición de cetraría a cargo de Falcóns Galicia. A esa mesma hora darán comezo as demostracións dos oficios tradicionais a cargo de artesáns da zona.

RECREACIÓN DA REVOLTA GUÍMARA
A música chegará a partir das doce e media, cos pasarrúas a cargo do grupo de gaiteiros Brabán. Tamén a esta hora desenvolverase a recreación teatral da Revolta Guímara, a cargo dos veciños e veciñas de A Pobra. Este levantamento da veciñanza contra os impostos do Conde de Lemos a finais da Idade Media é un dos feitos históricos máis salientables da memoria colectiva do sur lucense, protagonizados polos seus habitantes.

POLA TARDE, XOGOS POPULARES E ACTUACIÓN DO GRUPO FOLK GARABELO
Xa pola tarde, e dende as catro, as rúas de A Pobra do Brollón estarán animadas coa actuación de “Ce Orquestra Pantasma”. Ás seis da tarde comezará a sesión de xogos tradicionais, desenvolvida por Xotramu. A música voltará cara á noite, coa actuación do grupo folk Garabelo ás nove. O espectacular fin de festa estará a cargo do Bruxo Queimán. Nesta xornada tamén actuarán os Alumnos da Escola Municipal de Música de A Pobra do Brollón.•

Deixa unha resposta

Your email address will not be published.

Nova Anterior

A Plataforma Sarriana polo Río denuncia ante a Comisión Europea o encauzamento do río Sarria

Seguinte Nova

En marcha ata setembro o programa Música no Camiño nas rúas de Sarria

Últimas noticias sobre ASOCIACIONISMO

A %d blogueros les gusta esto: