A Xunta instala pasos sobreelevados no Morín

A travesía do Morín vai contar dende xuño con novas medidas para garantir a seguridade viaria de condutores e peóns. A Xunta de Galicia vén de realizar estes traballos nas estradas autonómicas LU-546, LU-664 e LU-617, cun investimento de preto de 64.000 euros con cargo á anualidade 2014 dos contratos de conservación da zona sur da provincia de Lugo.

PASOS SOBREELEVADOS E RENOVACIÓN DA SINALIZACIÓN HORIZONTAL E VERTICAL
Estas melloras consisten na construción de seis pasos de peóns sobreelevados, e na execución de traballos complementarios, como o pintado da calzada e a renovación da sinalización.
Según explicou a delegada territorial de Lugo, Raquel Arias, estes traballos veñen a sumarse ás melloras recentemente introducidas nas rotondas da rúa María Emilia Casas, que mudaron a sinalización para ser máis perceptibles para o tráfico.

A VECIÑANZA DEMANDABA MÁIS SEGURIDADE DO TRÁNSITO PEONIL
Os pasos para peóns sobreelevados comezaron a instalarse o pasado 18 de xuño, en puntos como a residencia da terceira idade no Morín, ou diante do colexio e auditorio na ronda María Emilia Casas. Estes pasos sobreelevados obrigan ós condutores a reducir a velocidade, garantindo a seguridade para o tránsito peonil nestes puntos. Según explicou Arias, este proxecto complétase con outras reformas, como o repintado viario ou a colocación doutros sistemas de redución de velocidade máis sinxelos onde sexa preciso.
Raquel Arias puntualizou que con estas obras “a Xunta pretende mellorar a seguridade dos peóns, atendendo a unha demanda dos veciños e veciñas que solicitaban medidas para reducir a velocidade dos vehículos e minimizar outros riscos en zonas de moito tránsito peonil”.•

Deixa unha resposta

Your email address will not be published.

Nova Anterior

O colexio de Sober celebra o 29 de xuño o seu 40º aniversario cun xantar de confraternidade

Seguinte Nova

A Plataforma Sarriana polo Río denuncia ante a Comisión Europea o encauzamento do río Sarria

Últimas noticias sobre INFRAESTRUTURAS

A %d blogueros les gusta esto: