Actividades para os máis cativos no verán de Pantón

•Ademais, ó longo destes meses organizaranse novas actividades como saídas guiadas, exposicións e actos culturais

• Como todos os anos, o Concello de Pantón programou diversas actividades para os máis cativos que se desenvolverán ó longo dos meses estivais.

NATACIÓN TRES DÍAS Á SEMANA, E AS ACTIVIDADES DO CAMPAMENTO DE VERÁN SERÁN OS MARTES E XOVES
A comezos de xullo iniciáronse as actividades de natación e o campamento de verán, e dende o Concello están a complementar esta programación con diversos eventos.
Por unha banda, as actividades de natación desenvolveranse os luns, mércores e venres de 12 a 13,30 horas. Por outra, o Campamento de Verán de Pantón ten lugar os martes e xoves de 11 a 13 horas, con diversas actividades pensadas para o lecer e o disfrute dos máis cativos durante as súas vacacións de verán.

INFORMACIÓN E INSCRICIÓNS NO EDIFICIO SOCIOCULTURAL DE PANTÓN
Os interesados en participar nestas dúas actividades poden obter máis información e formalizar a súa inscrición nas oficinas do Edificio Sociocultural de Pantón, situado na Praza do Concello. Estas oficinas están abertas de luns a venres de 10 a 20 horas.
Por outra banda, dende o Concello de Pantón informaron de que están a traballar na organización de diversas actividades para o público en xeral, como saídas guiadas, exposicións e actos culturais ó longo destes meses.•

Deixa unha resposta

Your email address will not be published.

Nova Anterior

O Concello de Monforte, galardoado coa Escoba de Oro 2014 pola súa xestión de residuos e limpeza urbana

Seguinte Nova

A igrexa de San Miguel de Eiré , vindeira cita cos Concertos de Verán da Ribeira Sacra

Últimas noticias sobre CULTURA

 
A %d blogueros les gusta esto: