Dende o pasado 13 de xuño, xa está a disposición da veciñanza de Sober un Punto de Información Catastral. Este novo servizo ofrecerase na propia Casa Consistorial en horario de 9 a 14 horas, de luns a venres.
ESTE SERVIZO AFORRARÁ DESPRAZAMENTOS A LUGO
O alcalde de Sober, Luis Fernández Guitián, destacou que con este servizo os veciños e veciñas da localidade non terán que desprazarse a Lugo para conseguir información de relevancia sobre as súas propiedades. Según informou o rexedor local, o Concello de Sober xa está autorizado a expedir gráficas descritivas das fincas e das propiedades, sempre e cando as solicite o titular correspondente.
CÓMO EMPREGAR O NOVO PUNTO DE INFORMACIÓN CATASTRAL DE SOBER
Neste sentido, os documentos que emita o Concello de Sober son válidos e precisos para a solicitude de subvencións, entre outras, e teñen validez ante notario. Para poder obtelas será preciso que as fincas estean a nome do titular, que poderá acceder el mesmo á información ou ben a través de persoa autorizada presentando unha copia do DNI e cubrindo unha solicitude.
OUTROS TRÁMITES CATASTRAIS DO CONCELLO
Ademais deste servizo, a autorización da Axencia Territorial do Catastro permite que o Goberno local obteña información de interés referente a datos catastrais, altas de casas, e similares.
SERVIZO GRATUÍTO DE XESTIÓN CATASTRAL OS DÍAS DE FEIRA EN SOBER
Por outra banda, e aparte deste Punto de Información Catastral, o Concello de Sober conta cun servizo gratuíto de xestión de trámites catastrais todos os días 12 e 28 de cada mes, que se corresponden cos días de feira en Sober.•
Cargando ...
