Aberta ata o 14 de agosto a inscrición no II Obradoiro de Verán “Música e Baile” de Monforte

• O II Obradoiro de Verán Música e Baile desenvolverase do 18 ó 29 de agosto nas instalacións do Conservatorio Municipal de Música “Mestre Ibáñez”, situadas no Edificio Multiusos. O obradoiro ofrece diversos talleres de música e baile, para todos os públicos e en niveis de formación iniciación, reforzo e avanzado. As sesións terán lugar de luns a venres de 10 a 13 horas para, agás o de Baile de Salón, que será de 13 a 14 horas.
Cada participante poderá inscribirse nun máximo de catro modalidades, por un prezo de 25 euros. As modalidade ofrecidas en música son: Taller de Música e Movemento -Hip Hop (para nenos entre 5 e 9 anos); Improvisación e Creación Musical Moderna (dirixido a tódolos instrumentos); Percusión Moderna – Batería; Gaita e Percusión Galega; Guitarra; Piano; Violín; Vento Madeira (Clarinete, Saxofón e Frauta); Vento Metal (Trompeta, Trombón, Trompa e Tuba). En baile, as modalidades son: Ballet Clásico (a partir de 6 anos); Danza Moderna (a partir de 9 anos); Danza Tradicional Galega (tódalas idades); e Baile de Salón (adultos). A inscrición deberá realizarse nas oficinas da alcaldía do Concello de Monforte ata o 14 de agosto.•

 

Deixa unha resposta

Your email address will not be published.

Nova Anterior

ATA O 31 DE XULLO PODEN ENVIARSE TRABALLOS Ó CONCURSO DE DEBUXO INFANTIL DO CONCELLO DE QUIROGA

Seguinte Nova

Música e impulso á Ribeira Sacra no IV Campus de creación artística Ventos do Norte

Últimas noticias sobre CULTURA

A %d blogueros les gusta esto: