Ata o 31 de xullo estará en marcha en Sarria a campaña «Máis que comercio!

Premios e agasallos por comprar no comercio asociado

A directora xeral de Comercio, Sol Vázquez Abeal, acompañada do alcalde de Sarria, José Antonio García, e o presidente do CCA-Sarria, Ricardo Arias, presentaron a campaña "Máis que comercio!" para dinamizar o comercio local.  CEI.
A directora xeral de Comercio, Sol Vázquez Abeal, acompañada do alcalde de Sarria, José Antonio García, e o presidente do CCA-Sarria, Ricardo Arias, presentaron a campaña «Máis que comercio!» para dinamizar o comercio local. CEI.

• A campaña «Máis que comercio!», promovida pola Xunta de Galicia, desenvolverase en Sarria ata o 31 de xullo nos establecementos asociados ó Centro Comercial Aberto de Sarria. A campaña busca impulsar as vendas do comercio local premiando á súa clientela con sorteos e agasallos.

SORTEO DE TARXETAS REGALO E DE DIVERSOS AGASALLOS POR MERCAR NO COMERCIO ASOCIADO
Deste xeito, as persoas que realicen as súas compras nos comercios asociados ó CCA durante o mes de xullo están a recibir un cupón por cada 5 euros de compra. Con cada cupón conseguido, poderán participar nun xogo en liña na web www.maisquecomercio.com. Ó votar nesta web ó seu establecemento favorito, poderán optar a unha tarxeta regalo de 200 euros e dúas tarxetas de 100 en cada establecemento asociado para mercar no comercio local. Ademais, os participantes optan a diferentes agasallos, como vales de compra e diferentes produtos achegados polos propios comerciantes. Unha vez rematada a campaña a finais de xullo, o establecemento seleccionado polos clientes recibirá un recoñecemento público ó seu labor.

RESALTAR OS VALORES DO COMERCIO DE PROXIMIDADE
A campaña «Máis que comercio!», organizada pola Consellería de Economía e Industria, percorre os centros comerciais abertos de Galicia durante todo o ano, para resaltar os valores do comercio de proximidade como a calidade, o trato ao cliente, a diferenciación e a variedade.

VALOR DO ASOCIACIONISMO NO PEQUENO COMERCIO
Ao mesmo tempo, e según apuntou a directora xeral de Comercio, Sol Vázquez Abeal, durante a súa visita a Sarria, coa campaña destácase o traballo que desenvolven os centros comerciais abertos, unha fórmula que permite, desde o asociacionismo, o desenvolvemento de estratexias comerciais e a prestación de servizos de forma conxunta no pequeno comercio para mellorar a súa competitividade.•

Deixa unha resposta

Your email address will not be published.

Nova Anterior

PREMIOS DA XXVI CATA DOS VIÑOS DE GALICIA

Seguinte Nova

Visitas guiadas polo mosteiro de Samos ata decembro

Últimas noticias sobre ASOCIACIONISMO

     
A %d blogueros les gusta esto: