ATA O 31 DE XULLO PODEN ENVIARSE TRABALLOS Ó CONCURSO DE DEBUXO INFANTIL DO CONCELLO DE QUIROGA

A Área de Educación do Concello de Quiroga organiza este verán un Concurso de Debuxo Infantil, dirixido a nenos e nenas de entre 3 a 12 anos. Acéptase calquer técnica de elaboración do debuxo, que deberá ser orixinal, ter un tamaño mínimo de A4, e estar inspirado no tema “Verán en Quiroga”. No reverso do debuxo irán indicados o nome e apelidos do autor, dirección e teléfono de contacto. O traballo presentarase ata o 31 de xullo na Casa da Cultura de Quiroga en sobre pechado, no que se indicará de xeito visible na parte exterior a idade e o nome do participante. O concurso terá tres modalidades: de 3 a 5 anos; de 6 a 8 anos; e de 9 a 12 anos. Concederanse tres premios sorpresa por categoría. A entrega dos premios terá lugar durante as Festas de Verán de Quiroga.•