• O programa de dinamización lingüística FalaRedes, organizado pola Secretaría Xeral de Política Lingüística, está a desenvolver este verán a actividade Augalingua, percorrendo un total de 20 concellos integrados na Rede de Dinamización Lingüística da Xunta de Galicia.
DATAS NO SUR DE LUGO
Tres concellos do sur de Lugo acollerán a actividade Augalingua. Así, a cita en A Pobra do Brollón será o mércores 30 de xullo, na praia fluvial da Área de Samugueiros, de 17 a 19 horas. En Sober, Augalingua ocupará o tempo de ocio da rapazada o xoves 31 de xullo na piscina municipal, de 16 a 18 horas. Por último, a cita en Carballedo será o venres 1 de agosto, na piscina municipal, de 17 a 19 horas.
REFRESCAR A LINGUA GALEGA A TRAVÉS DO XOGO
A actividade Augalingua vai dirixida ós rapaces e rapazas de entre 6 e 12 anos, coa finalidade de que se acheguen ó galego de xeito lúdico e participativo durante o seu tempo de ocio nas piscinas municipais ou praias fluviais do seu municipio. En Augalingua, desenvolverase unha xincana lingüística na que os participantes tamén terán que superar unha serie de probas de habilidade e rapidez, sempre supervisados e apoiados polos monitores.•
Cargando ...
