Investimento de máis de 500.000 euros para mellorar o acceso a preto de 30 núcleos rurais en O Saviñao

•A conselleira de Medio Ambiente, Territorio e Infraestruturas, Ethel Vázquez, asinou o convenio na Casa Consistorial de Escairón

A conselleira de Medio Ambiente, Territorio e Infraestruturas, Ethel Vázquez, asinou o convenio co alcalde de O Saviñao, Joaquín González, en presencia da secretaria xeral de Ordenación do Territorio e Urbanismo, Encarnación Rivas, e a delegada territorial da Xunta en Lugo, Raquel Arias. O acto tivo lugar no Concello de O Saviñao o pasado 1 de xullo.  CMATI.
A conselleira de Medio Ambiente, Territorio e Infraestruturas, Ethel Vázquez, asinou o convenio co alcalde de O Saviñao, Joaquín González, en presencia da secretaria xeral de Ordenación do Territorio e Urbanismo, Encarnación Rivas, e a delegada territorial da Xunta en Lugo, Raquel Arias. O acto tivo lugar no Concello de O Saviñao o pasado 1 de xullo. CMATI.

• O pasado 1 de xullo, a conselleira de Medio Ambiente, Territorio e Infraestruturas, Ethel Vázquez, acompañada pola delegada Territorial da Xunta en Lugo, Raquel Arias, e pola secretaria xeral de Ordenación do Territorio e Urbanismo, Encarnación Rivas, asinou un convenio de colaboración co alcalde de O Saviñao, Joaquín González, para o desenvolvemento das obras de acondicionamento e mellora de accesos a núcleos rurais. O investimento total será de 529.874,98 euros, que se adicarán á mellora de 29 accesos a núcleos rurais neste municipio, que suman preto de 30 quilómetros.
Ethel Vázquez indicou que estas obras licitaranse o vindeiro mes de setembro, para comezar a traballar sobre o terreo “posiblemente a finais de novembro”, cun prazo de execución de catro meses.
A conselleira de Medio Ambiente, Territorio e Infraestruturas explicou que o obxectivo destes investimentos “é facer de Galicia un territorio máis sostible, ordenado e vertebrado, un territorio mellor para vivir e que permita un mellor desenvolvemento para as xeracións futuras”, asegurou.
Os traballos comezarán coa limpeza, adecuación de firmes, mellora da subbase do espazo necesario para os viais, bacheo e rexeneración. Logo, realizaranse os perfilados e rasanteos axeitados para servir de soporte ao firme de rodadura, para o que se aplicará formigón ou rego asfáltico. Finalmente, prepararanse as zanxas laterais e acondicionaranse os accesos existentes ás fincas colindantes.
Os puntos que se mellorarán son Alperiz, Aiaz-Sur, Campo Aiaz-Estrada de Monforte, Agra-Valdorrama, Os Pozos-Souceda, Orxainza-Lamapodre, Lamapodre-Pimento, Lamapodre-Casa Félix, Lamapodre-Sobreda, Besta-Sardiñeira, Vilaseco-Quintairo, lugar de San Adrian, Tramo Mosiños-C-533, lugar de Felon, lugar de Belesar Viñas, tramo Vilamor-C-533, tramo Mourelos-Eirexe, tramo Senra-Reguenga, tramo Sobrado-Arxemil, tramo Louredo-Santantuiño, tramo Cirdeiro-Casa do Monte, tramo Ousende-Muro, tramo Gruñedo-Chave, lugar de Troifil, lugar de Cansavacas, lugar de Belesar Viñas (Novo), lugar de Vilarello, lugar de Susavila, e Tramo de Alperiz-Casa Brea.•

Deixa unha resposta

Your email address will not be published.

Nova Anterior

ABERTO ATA O 31 DE XULLO O PRAZO PARA SOLICITAR AS AXUDAS DESTINADAS PARA A REHABILITACIÓN DE FACHADAS DE GRANITO E DE TEITOS E CUBERTAS CON TELLA CERÁMICA OU LOUSA

Seguinte Nova

A Pobra do Brollón reivindicou a súa historia na I Feira Medieval Guímara

Últimas noticias sobre INFRAESTRUCTURAS

     
A %d blogueros les gusta esto: