Xullo foi o mes no que se recoñeceu o traballo dos adegueiros das cinco Denominacións de Orixe da nosa Comunidade, coa entrega dos premios da XXVI Cata dos Viños de Galicia. O premio na modalidade de colleiteiro e pequenas adegas en viño tinto caeu na Ribeira Sacra, para o mencía Sollío, da adega Victorino Alvarez Rodríguez. Os premios da Denominación de Orixe Ribeira Sacra recaeron no mencía San Mamed, de Rosa Mª Pumar Rodríguez, co primeiro premio e Acio de Ouro. O segundo posto e Acio de Prata foi para o mencía Regina Viarum, das adegas Regina Viarum. En terceiro lugar, e Acio de Bronce, o viño Peza do Rei, da Adega Cachín. Co cuarto posto e diploma foi premiado As Glorias, de Adegas Amedo. O quinto e sexto posto con diplomas foron, para o mencía Casa Moreiras e o Viña Vella de SAT Virxe dos Remedios. (Foto: CMRM). •
