Dende o Concello de Monforte afirmaron que a anulación da que sería a 10ª Festa do Río é unha das consecuencias de non terse aprobado o Orzamento municipal para 2014. O equipo de Goberno lamenta a decisión de non celebrar este evento, «referente no calendario de actividades anuais e que atraía numerosos visitantes no mes de xullo», aínda que espera que «en vindeiros anos a solución a estes problemas formais permita funcionar ó Concello con normalidade neste e noutras accións que repercuten directamente nos servizos ós cidadáns». O Concello agradeceu ós colaboradores habituais da Festa do Río, como o Club Quixós, o Club de Pesca de Monforte, a Sociedade de Pesca Val de Lemos e á Asociación de Hostaleiros (APEHL) a súa «boa disposición en anos anteriores e incluso neste, pero o Concello non pode comprometerse xa que non existe partida orzamentaria consignada para este evento».•
A Festa do Río de Monforte, suspendida por non terse aprobado o Orzamento municipal para 2014
Últimas noticias sobre CULTURA
O Consello de Cultura Galega organizou a pasada semana no Colexio da Nosa Señora da Antiga
A Vicepresidencia da Deputación de Lugo achega a nenas e nenos do Courel e da Ribeira
Quen non lembra esta canción: «Sementar sementarei, loguiño de crarear, en tanto non pobo medre, un
A Casa da Cultura Poeta Lois Pereiro de Monforte acolleu o Congreso Internacional: VII Conde de
Dentro das «Xornadas sobre Coidados, vulnerabilidades e dependencias. Olladas desde os feminismos», que organizadas pola Fundación
