• Concello de Sober e Universidade de Vigo veñen de suscribir un convenio para que os estudiantes desta universidade poidan realizar práticas académicas externas nesta administración local. O obxectivo destas práticas é facilitar ós futuros titulados universitarios a preparación para o exercicio profesional, así como o seu acceso ó mercado laboral.
En virtude deste convenio, o Concello de Sober comprométese a emitir un informe sobre a actividade desenvolvida polos estudiantes en práticas, a súa duración e, no seu caso, o seu rendemento. O alumnado en práticas poderá recibir por parte da entidade colaboradora a achega económica que se estipule en concepto de bolsa ou axuda ao estudo.
REQUISITOS
Poderán optar a estas práticas externas os alumnos e alumnas matriculados en calquera titulación da Universidade de Vigo e centros adscritos, así como estudantes doutras universidades que, por razóns de mobilidade académica ou convenios anteriores, se atopen cursando estudios na Universidade de Vigo e centros adscritos a esta.
Os solicitantes deberán estar matriculados na ensinanza universitaria á que se vinculan as competencias básicas, xenéricas ou específicas que adquirirá ó realizar a prática. Ademais, esixirase non manter ningunha relación contractual coa empresa ou institución na que se van realizar as práticas, nin coa propia universidade.•