Curso de verán sobre desenvolvemento sostible en espazos rurais na Estación Científica de Seoane

• A Estación Científica do Courel, situada en Seoane, desenvolveu un curso de verán sobre alternativas de desenvolvemento rural en áreas de alto valor ambiental, con modelos e experiencias aplicables á Serra do Courel. As sesións formativas tiveron lugar do 21 ó 23 de xullo, dentro do programa de cursos de verán da Universidade de Santiago de Compostela, coa colaboración da Consellería de Medio Ambiente, Territorio e Infraestruturas.
O curso contou coa participación de representantes da Dirección Xeral de Conservación da Natureza, no que explicaron as claves da paisaxe courelá como ben patrimonial dinamizador da socioeconomía e das liñas de desenvolvemento rural do Parque Natural da Baixa Limia-Serra do Xurés.
O obxectivo deste curso de verán foi poñer en valor a importancia ecolóxica e cultural da Serra do Courel e, deste xeito, o intercambio e actualización da información acerca das estratexias de desenvolvemento sostible en espazos rurais de alto valor ecolóxico e cultural existentes. Así, unha vez descritos os valores da Serra, reflexionose sobre a necesidade de sensibilizar á sociedade e, concretamente, á poboación local do entorno do Courel, sobre as estratexias e liñas de actuación para a conservación da natureza que xa se están a desenvolver en outras áreas de Galicia e de comunidades lindantes. Ó remate do curso, puxéronse en común unha serie de propostas para a dinamización socioeconómica que se están a desenvolver na zona.
O curso estivo dirixido a estudantes e titulados universitarios, profesionais relacionados coa xestión do medio ambiente e conservación da natureza, e persoas relacionadas coa promoción de actividades socioeconómicas no medio rural.•