A xove atleta repetiu a marca acadada no nacional xuvenil
• A atleta monfortina Saleta Fernández vén de realizar un bo traballo no Campionato de España absoluto ó aire libre, celebrado a última fin de semana de xullo na localidade madrileña de Alcobendas. A monfortina repetiu a marca do nacional xuvenil na especialidade de saltos, con 1,70 metros, o que a situou no décimo posto da proba nacional.
UN MEDALLEIRO CON NOVE METAIS PARA A EXPEDICIÓN GALEGA NA PROBA ABSOLUTA
Dende a Federación Galega de Atletismo destacaron o «gran campionato» dos atletas galegos, que completaron cun total de nove medallas. Frank Casañas conseguiu o ouro en lanzamento de disco, e seis platas quedaron en Galicia: Manuel Uriz en xavalina, Jean Marie Okutu en lonxitude, Belén Toimil en lanzamento de peso, Lidia Parada en xavalina, Isaac Vicente en martelo, e Solange Pereira, na carreira de 1.500 metros. Ademais, houbo dous bronces galegos, que corresponderon a Borja Barbeito en xavalina, e Mercedes de Santalo en lanzamento de disco.•
Cargando ...
