• A finais do mes de xullo quedaban rematadas as obras de mellora do pavillón do CEIP de Sober, que foron financiadas pola Secretaría Xeral para o Deporte da Xunta de Galicia cunha aportación de 58.000 euros.
OBRA SOLICITADA POLO ALCALDE E A COMUNIDADE EDUCATIVA
A delegada territorial da Xunta en Lugo, Raquel Arias, visitou o estado das obras o día 24, que se prolongaron durante tres semanas. Estes traballos consistiron no cambio da antiga cuberta de chapa metálica por unha nova cuberta de paneis sándwich, composta por dúas capas de chapa que revisten unha capa de material illante que facilita un maior equilibrio térmico, ó tempo que permite unha maior impermeabilización. Tamén se cambiaron os canalóns existentes por outros de maior capacidade. Esta obra foi unha petición realizada polo alcalde de Sober e a comunidade educativa ante as deficiencias que presentaba a cuberta xa cambiada. Neste sentido, Raquel Arias puxo como exemplo a recente actuación no pavillón do CEIP de Sober para “reiterar o compromiso do Goberno galego coa educación e o deporte”.•
