Con 120 rapaces e rapazas de varios puntos de España
• Do 19 ó 27 de xullo, Sarria foi a capital do baloncesto de base, coa celebración do VI Campus Baloncesto no Camiño. Unha iniciativa que congregou a 120 rapaces e rapazas de entre 6 e 17 anos, procedentes de toda Galicia e tamén de puntos tan distantes como Granada, Zaragoza ou Ceuta.
O equipo técnico, dirixido por Miguel Ángel Hoyos, director do campus, contou co adestrador do Breogán, Lisardo Gómez, entre outros profesionais da liga profesional de baloncesto. Ademais, nesta edición estiveron como técnicos visitantes o adestrador do Obradoiro, Moncho Fernández, e o ex xogador do Real Madrid, Hernández Sonseca.
Ademais das sesións técnicas, os participantes disfrutaron de actividades de tempo libre, xogos e piscina, na área deportiva de Sarria.•
