• Do 12 ó 19 de agosto, un grupo de sarriáns visita a localidade bretona de Guerlédan para celebrar a cita anual do Irmandamento entre ambas vilas. Este encontro, que cumple a súa decimosexta edición, celebrouse o ano pasado en Sarria, e será nesta ocasión cando unha representación sarriá actúe como embaixadora da riqueza cultural, patrimonial e natural da nosa provincia en terras da Bretaña.
O programa do XVI Irmandamento Sarria-Guerlédan conta co apoio do Concello de Sarria e da Deputación de Lugo, “xa que todos arrimamos o ombro e traballamos en conxunto, deixando ás ideoloxías de lado, para consolidar ano a ano un evento desta importancia”, según destacou o concelleiro de Cultura de Sarria, Francisco Pérez, durante a presentación do programa o pasado día 5.
O responsable municipal e a presidenta da asociación Irmandade Sarria-Guerlédan, Elvira Vila, agradeceron o apoio da Deputación á iniciativa, coa que o organismo provincial pretende “a promoción internacional das nosas Reservas da Biosfera, xa que isto axuda a darlle visibilidade a estes espazos naturais e a toda a provincia”, según precisou a deputada de Medio Ambiente, Sonsoles López Izquierdo. Visitas a enclaves naturais e fábricas de produtos autóctonos; música e cultura popular; charlas e mesas redondas a cargo de profesores de universidades francesas sobre temas de actualidade, son algúns dos actos previstos no programa. O día 17 terá lugar a sinatura oficial da Carta de Irmandade cos representantes de ambas vilas.•
Últimas noticias sobre ASOCIACIONISMO
Representantes da Asociación de Veciños de Parteme, aldea da parroquia de Nocedo, mantiveron un encontro coa
Gonzalo L. Torres. Moito falamos do Feismo urbanístico en Galicia, e seguro que moitos de nós
O pasado 19 de xullo, os representantes da Asociación Veciñal do Saviñao entregaron no Concello un
• Fixeron traballos de limpeza do acceso do camiño que leva á fonte publica, ante o
• Redacción- MONFORTE. a Asociación Monfortina de Amigos do Ferrocarril (AMAFER), no 25 aniversario da súa