Os participantes na campaña «Máis que comercio!» en Sarria premiaron a Calzados Gayoso

Pulo á dinamización do pequeno comercio

A delegada territorial da Xunta en Lugo, Raquel Arias; o alcalde de Sarria, José Antonio García; e o presidente de ACES-CCA Sarria, Ricardo Arias, durante a entrega do premio ó establecemento máis votado de Sarria na campaña "Máis que comercio!", que correspondeu a Calzados Gayoso. CEI.
A delegada territorial da Xunta en Lugo, Raquel Arias; o alcalde de Sarria, José Antonio García; e o presidente de ACES-CCA Sarria, Ricardo Arias, durante a entrega do premio ó establecemento máis votado de Sarria na campaña «Máis que comercio!», que correspondeu a Calzados Gayoso. CEI.

• A mediados do mes de agosto, tivo lugar en Sarria a entrega do premio ó establecemento máis votado na campaña «Máis que comercio!», posta en marcha pola Consellería de Economía e Industria, e que correspondeu ó establecemento Calzados Gayoso, unha firma implantada nesta vila xacobea dende os anos 50, e que vende calzado de todo tipo para todas as idades.

CAMPAÑA PARA RESALTAR OS VALORES DO COMERCIO DE PROXIMIDADE
Na entrega de premios estiveron presentes o alcalde de Sarria, José Antonio García; o presidente de ACES-CCA Sarria, Ricardo Arias; e a delegada territorial da Xunta en Lugo, Raquel Arias, quen suliñou os obxectivos principais desta campaña, que está a percorrer Galicia ó longo de todo o ano. «A finalidade desta iniciativa é resaltar os valores do comercio de proximidade, como son a calidade, o trato ó cliente ou a variedade, ademais de resaltar o traballo dos centros comerciais abertos para mellorar a competitividade do pequeno comercio», precisou Arias.
A delegada territorial da Xunta en Lugo fixo entrega a Calzados Gayoso do diploma que o acredita como o establecemento favorito dos consumidores. Ademais, entregou os tres cheques que se sorteaban, un por valor de 200 euros e dous por valor de 100 euros, ás tres compradoras que resultaron gañadoras.
Dentro da campaña «Máis que comercio!», os consumidores recibían por cada 5 euros de compra un boleto de participación, e introducindo o código na web www.maisquecomercio.com podían votar ao seu comercio favorito ao tempo que optaban a un dos 161 premios que achegaron a Xunta, o Centro Comercial Aberto e os establecementos participantes.

ALTA PARTICIPACIÓN DOS CONSUMIDORES SARRIÁNS NESTA CAMPAÑA
Raquel Arias destacou o interese que espertou en Sarria esta iniciativa da Dirección Xeral de Comercio, dependente da Consellería de Economía e Industria, xa que a web habilitada para a participación recibiu máis de 11.200 chamadas de usuarios dos 81 comercios que se sumaron á campaña.•

Deixa unha resposta

Your email address will not be published.

Nova Anterior

O 15 de setembro comezan en Monforte as actividades socioculturais e de envellecemento activo para maiores de 60 anos

Seguinte Nova

O claustro do Centro do Viño da Ribeira Sacra acolleu este ano a Feira de Artesanía

Últimas noticias sobre ASOCIACIONISMO

A %d blogueros les gusta esto: