O Ecomuseo de Arxeriz inaugurou este verán dúas salas adicadas ó mundo da ribeira
•A primeira das dúas novas salas acolle a máis extensa colección de barcas fluviais existente en Europa • A segunda sala está adicada á pesca fluvial, e á memoria dos 32 lugares mergullados polas augas dos encoros de Os Peares e Belesar
Numeroso público acudiu á inauguración das dúas salas adicadas á cultura fluvial no Ecomuseo de Arxeriz, o 17 de agosto. O presidente da Real Academia Galega, Xesús Alonso Montero, falou ós asistentes na carballeira que dá entrada ó novo espazo expositivo. As 10 barcas fluviais que integran a colección exposta nunha das novas salas do Ecomuseo de Arxeriz cautivou ós asistentes á inauguración deste espazo. As pezas pertencen a diversos tramos do Miño, e unha delas ó Sil. A segunda das novas salas do Ecomuseo de Arxeriz está adicada á pesca fluvial, cun amplo desenvolvemento informativo das diversas artes e pezas empregadas. Ademais das pezas materiais, a cultura fluvial está constituída polas xentes que habitaron e deron vida ós 32 lugares mergullados polos encoros de Peares e Belesar. A memoria daquel mundo hoxe desaparecido ten un lugar destacado na segunda das novas salas do Ecomuseo de Arxeriz, inauguradas o pasado 17 de agosto. (Fotos EC).
