•Na temporada pasada, os taekwondistas monfortinos subiron ó podio dos Campionatos Galego e de España •Hai tres deportistas do Neka con opcións de estar a finais de setembro no Campionato de España de seleccións
• O club Neka de Taekwondo está a preparar a temporada que comeza, co reto de superar o excelente palmarés que conseguiu na pasada temporada. Un total de 38 medallas en 11 competicións ó longo da xeografía española avalan o bo facer do clube monfortino e a alta calidade dos seus deportistas.
Os taekwondistas monfortinos, que acadaron varios podios nos Campionatos Galego e de España, traballaron arreo ó longo de toda a temporada, e xa preparan con intensidade o vindeiro desafío, que terá lugar na localidade castellonense de Oropesa del Mar os vindeiro 27 e 28 de setembro. A vila mediterránea acollerá o Campionato de España de Seleccións, no que teñen moitas posibilidades de participar os taekwondistas Carlos Rey, Samuel López Timiraos e Alejandro Fernández Franjo, actual campión de España benxamín. Ademais, o adestrador do Neka, José Mª Vega, continúa co seu labor como un dos tres técnicos da selección galega de Taekwondo.•
