Aberto o prazo para presentar traballos ó concurso de curtas co móbil para estudantes galegos de 14 a 18 anos

Entregas ata o 30 de outubro

•A comezos de setembro, a Axencia para a Modernización Tecnolóxica de Galicia (AMTEGA) publicaba no blog XenteDixital (blog.adg2020.es/) as bases do concurso «Curtas co Móbil da Axenda Dixital de Galicia 2020» dirixido a mozos e mozas matriculadas na ESO ou Bacharelato de Galicia, de entre 14 e 18 anos. Este concurso forma parte das iniciativas do proceso de elaboración da Axenda Dixital de Galicia 2020, a futura estratexia tecnolóxica global da Xunta de Galicia. Os obxectivos do certame son explorar a creatividade audiovisual dos mozos e mozas a través da gravación de micromovies, fomentar o traballo en equipo e o uso da lingua galega, así como sensibilizar sobre a importancia do desenvolvemento tecnolóxico da Comunidade e dar a coñecer a estratexia tecnolóxica global impulsada pola Xunta de Galicia.
A participación neste concurso pode ser individual ou por grupos, ata un máximo de 5 persoas. Os participantes deberán amosar a súa destreza cinematográfica coa gravación dun vídeo dun máximo de 3 minutos de duración onde se visualice como imaxinan que a tecnoloxía transformará Galicia no futuro.

CÓMO PARTICIPAR
Cada equipo designará un titor que forme parte do persoal docente do centro educativo, e que velará polo cumprimento das normas do concurso e fará a inscrición e a entrega das curtas. O prazo de presentación de solicitudes e vídeos remata o 30 de outubro de 2014. Os centros poderán realizar a inscrición gratuíta a través do formulario online dispoñible no Blog XenteDixital (blog.adg2020.es/). Xunto ó formulario, o titor do equipo deberá achegar o link ó vídeo que debe ser previamente subido á canle de YouTube do centro ou do titor. Os vídeos recibidos publicaranse no Blog XenteDixital e nas redes sociais da Amtega e serán valorados por un xurado especializado na Sociedade da Información e as Novas Tecnoloxías, que preseleccionará os cinco vídeos finalistas. Estes serán publicados en www.facebook.com/amtega, dentro do apartado «Elixe o vídeo finalista do concurso!», no que calquera internauta poderá votar.
O premio será unha tablet para cada alumno responsable do vídeo máis votado, e unha minitablet para cada un dos responsables do segundo vídeo máis votado. •

Deixa unha resposta

Your email address will not be published.

Nova Anterior

Un outono cheo de actividades lúdicas e culturais en Bóveda

Seguinte Nova

Formación teatral para profesionais en Monforte co programa Buxiganga

Últimas noticias sobre CULTURA

   
A %d blogueros les gusta esto: