•Xunto con Fernández, os deportistas do Neka Samuel López e Carlos Rey foron bronce coa selección galega

• Os deportistas do Neka Alejandro Fernández, Carlos Rey e Samuel López conseguiron a medalla de bronce por equipos coa selección galega no Campionato de España de Taekwondo, que se disputou na localidade castellonense de Oropesa del Mar o 26 e 27 de setembro. Ademais, o xove deportista Alejandro Fernández estivo entre os seis deportistas galegos que conseguiron meterse na final desta proba, na que participaban 259 taekwondistas de toda España, acadando o quinto posto.
O adestrador do Neka e membro do equipo técnico da selección galega de taekwondo, José Mª Vega, explicou que se trata dun “bo resultado, aínda que nos sabe a pouco, porque Alejandro foi campión de España o ano pasado”. Vega suliñou que Fernández “é moi xove, temos moita confianza e hai que seguir entrenando”. A vindeira competición será o día 11, en Vilalba, onde participarán 20 deportistas do clube monfortino.•