•O sábado 27 de setembro tivo lugar en Monforte o primeiro dos Concertos Benéficos de Outono organizados polo Consorcio de Turismo Ribeira Sacra. A igrexa de San Vicente do Pino foi o escenario, a partir das oito da tarde, o concerto Canto Libre, onde a voz de Rosa Leiro e o piano de Juan Carlos Cambas interpretaron un selecto programa de repertorio tradicional galego, folklore arxentino e fado portugués.
CITAS EN CASTRO CALDELAS E MONTEDERRAMO
A seguinte cita dos Concertos de Outono será no Castelo de Castro Caldelas o domingo 5 de outubro ás 19 horas, cando Xavier de Acosta e Joaquín Barreira interpreten Obras de Bach para frauta e órgano. Por último, o sábado 11 de outubro ás 20 horas terá lugar no mosteiro de Santa María de Montederramo un concerto do grupo instrumental Siglo XX, con Florian Vlashi na dirección e no violín, que realizarán un percorrido pola música para cuarteto de corda dende o clasicismo ata o século XX. •
Cargando ...
