•O pelotón de 160 corredores cruzou o sur de Lugo pasando por Ferreira, Monforte, Bóveda e Sarria

• No sur de Lugo disputouse a penúltima etapa de La Vuelta 2014, e foi precisamente nesta xornada cando o español Alberto Contador sentenciou o resultado final, ó vencer a etapa dos Ancares e garantir a súa entrada como vencedor absoluto na compostelana Praza do Obradoiro ó día seguinte.

XORNADA DURA E ESIXENTE
A xornada dura e esixente que se viviu o 13 de setembro arrincou dende Santo Estevo de Ribas de Sil, e tras cruzar os concellos de Pereiro de Aguiar e Nogueira de Ramuín, o pelotón de 160 corredores encauzou terras da Ribeira Sacra, nun percorrido aproximado dunha hora entre as dúas e as tres da tarde. A espiral ciclista cruzou o viaducto de Os Peares para pasar por O Castro de Ferreira de Pantón, atravesar Monforte de Lemos, Bóveda e Sarria, cun sprint intermedio no casco urbano na rúa Diego Pazos.
Xa en terras de Láncara realizouse o avituallamento, para enfilar con forza cara a meta no porto dos Ancares. •