Deporte Brollón acada o apoio provincial para actividades como a media maratón da Ferreirúa ou o Campionato BTT

20.000 euros para impulsar o programa municipal de deportes en Brollón

A media maratón da Ferreirúa, a proba decana do atletismo lucense, cumpliu 25 anos como unha das citas imprescindibles do calendario de running galego. Arquivo EC.
A media maratón da Ferreirúa, a proba decana do atletismo lucense, cumpliu 25 anos como unha das citas imprescindibles do calendario de running galego. Arquivo EC.

• No mes de setembro, a Xunta de Goberno da Deputación de Lugo aprobou unha achega de 20.000 euros para apoiar as actividades deportivas do programa Deporte Brollón, que organiza anualmente o Concello de A Pobra do Brollón.

ATLETISMO, BTT, NATACIÓN, FUTBOL SALA, SENDEIRISMO E XOGOS POPULARES
Dentro das actividades que integran este programa, e que serán financiadas pola Área de Deportes da Vicepresidencia primeira da Deputación, inclúense o Campionato Galego de BTT, a media maratón da Ferreirúa, o Campionato de Xogos Tradicionais Populares, a liga de fútbol sala xuvenil, o curso de natación escolar, e a limpeza de rutas de sendeirismo.

O DEPORTE, UNHA ACTIVIDADE “AMPLAMENTE DEMANDADA NO RURAL”
Mario Outeiro, voceiro do BNG na Deputación, salientou trala aprobación desta achega o traballo que se está a desenvolver dende o Goberno local de Brollón no impulso do eido deportivo. Outeiro explicou que o deporte nas administracións locais “foise configurando como un servizo público que afecta ás diferentes etapas da vida dos veciños e que debe adaptarse ás súas circunstancias”, de aí a importancia de apoiar o deporte en zonas como A Pobra do Brollón, eminentemente rural, como unha actividade “esencial e que é amplamente demandada”.
O programa Deporte Brollón inclúe actividades para todas as idades, co obxectivo de fomentar o benestar da veciñanza, propoñer alternativas de ocio saudables, e poñer en valor o entorno natural.•

Deixa unha resposta

Your email address will not be published.

Nova Anterior

O concurso de fotografía “Galicia, a todo tren” recibiu máis de 4.500 visitas

Seguinte Nova

Arrincaron en Monforte os Concertos Benéficos de Outono da Ribeira Sacra

Últimas noticias sobre ASOCIACIONISMO

 
A %d blogueros les gusta esto: