•Completada a nova imaxe da Praza do Toural coa intervención mural de Doa Ocampo •Tamén comezaron as obras de urbanización da contorna da Casa Consistorial

• A capitalidade soberina está a acometer diversas actuacións para mellorar o aspecto urbano, tanto dende o punto de vista funcional como estético. A comezos deste mes quedaba completado o mural que a artista soberina Doa Ocampo deseñou e levou a cabo no anfiteatro da Praza do Toural, a base de motivos relacionados coa cultura vitivinícola.

“RECONVERTIR ESPAZOS PARA O DISFRUTE COLECTIVO”
Esta iniciativa partiu da propia artista, que planteou ó Concello de Sober a realización deste mural, incluído dentro dun proxecto máis amplo que abrangue outros espazos públicos do municipio, así como puntos clave das zonas de paso turístico. Durante a inauguración deste mural, o alcalde de Sober, Luis Fernández Guitián, valorou esta iniciativa porque “permite reconverter espazos deteriorados ou vadíos en lugares cheos de vida e de cor para o disfrute colectivo dos seus habitantes e visitantes” . Pola súa banda, a artista Doa Ocampo apuntou que o obxectivo destas intervencións é “promover formas de expresión contemporáneas a través desta ferramenta comunicativa que é a arte”, como xa sucede en diversas ciudades de España e Europa.

MELLORA NAS ZONAS DE SERVIZO DA CAPITALIDADE
Por outra banda, dende o Goberno local iniciaron a mediados de setembro as obras de mellora e urbanización da contorna da Casa Consistorial e a Casa da Cultura de Sober. Según explicou o alcalde, Luis Fernández Guitián, estas reformas son “moi necesarias”, dado o mal estado do espazo que rodea os edificios do Concello e da Casa de Cultura, e que supoñen o acceso a servizos como as oficinas municipais, a biblioteca, a escola de música, e o xulgado, entre outros.
Según precisaron os responsables municipais, estes traballos contan cun orzamento de 50.000 euros, financiados nun 80% pola Consellería de Presidencia, e nun 20% polo propio Concello.
Esta actuación comprende a mellora dun espazo de 547 metros cadrados, no que se creará un acceso peonil que facilite o paso dos cidadáns ós diferentes servizos municipais localizados neste punto. Unha das melloras consistirá na substitución do pavimento por adoquín cerámico.•