•Os clientes do CCA Chantada votaron na campaña on line á clínica dental Doctor Otero

Entrega do premio da campaña "Máis que comercio!", organizada pola Xunta de Galicia, á clínica dental Doctor Otero, coa presenza da directora xeral de Comercio, Sol Vázquez Abeal, e o presidente do CCA Chantada, Eduardo Rogina. CEI — Entrega do premio da campaña «Máis que comercio!», organizada pola Xunta de Galicia, á clínica dental Doctor Otero, coa presenza da directora xeral de Comercio, Sol Vázquez Abeal, e o presidente do CCA Chantada, Eduardo Rogina. CEI

• O pasado 29 de setembro tivo lugar en Chantada a entrega do premio ó comercio máis votado en internet dentro da campaña on line «Centros Comerciais Abertos. Máis que comercio!», organizada pola Consellería de Economía e Industria a través da Dirección Xeral de Comercio. A clínica dental Doctor Otero foi o negocio que máis clicks acadou en www.maisquecomercio.com, web na que os clientes podían participar nun xogo en liña por cada 5 euros de compra e optar a diferentes premios, ao tempo que elixían o seu comercio preferido.
No mesmo acto, entregáronse os agasallos ós participantes na campaña on line. A directora xeral de Comercio, Sol Vázquez Abeal, suliñou durante este evento a importancia dos centros comerciais abertos para integrar os diversos sectores comerciais en estratexias conxuntas, ademais de resaltar os valores do comercio de proximidade, como son a calidade, o trato ó cliente ou a variedade.•