Itinerario por Sober, Pantón e Chantada

• O 13 de setembro partiu dende Sober a II Ruta de Tractores Agrícolas Clásicos, unha iniciativa da Asociación Galega de Amigos da Maquinaria Agrícola Clásica (AGAMAC) na que participaron quince vehículos fabricados nas décadas de 1950 e 1960. O obxectivo desta marcha foi resaltar o medio rural, e tamén amosar o apoio á candidatura da Ribeira Sacra a Patrimonio da Humanidade.
Con esta finalidade, un equipo de bolseiros e técnicos da Fundación TIC gravaron este singular percorrido para editar un DVD, dentro do convenio de colaboración desta entidade con AGAMAC.
A ruta partiu dende a capitalidade de Sober, visitando varias adegas no municipio de Pantón e rematando ó final do día en Chantada.•