UGT Lemos alerta da «preocupante» situación demográfica da zona sur

• O sindicato UGT-Lemos amosou recentemente a súa preocupación pola situación demográfica do sur de Lugo. Según os datos facilitados por este colectivo, as comarcas de Lemos e Quiroga rexistran un total de 27 habitantes por quilómetro cadrado, a provincia de Lugo conta con 36 e o total de Galicia con 94. Estes índices aínda son máis preocupantes nos concellos, con 98 habitantes por quilómetro cadrado en Monforte de Lemos, ou 51 en Chantada. A situación resulta «alarmante», según UGT-Lemos, en concellos como Quiroga ou A Pobra do Brollón, con 12 habitantes por quilómetro cadrado, ou Folgoso do Courel, con tan só 7. Dende o sindicato esixen á Xunta que «tome en serio» estes datos, xa que a poboación activa na zona sur vén de baixar un 8,57%, mentres que no resto de Galicia medrou un 1,58%.
Asimesmo, UGT-Lemos reclama un plan de emprego «necesario e urxente» , «agora que a Galicia lle corresponderon máis 100 millóns de euros en fondos europeos para políticas de activación de emprego».•

Deixa unha resposta

Your email address will not be published.

Nova Anterior

“Impacto positivo” da declaración de Sober como Concello de Interés Turístico

Seguinte Nova

Entregado o premio ó establecemento favorito en Chantada da campaña «Máis que comercio!»

Últimas noticias sobre ECONOMÍA

A %d blogueros les gusta esto: