Aberto o prazo para as subvencións de fomento á silvicultura e bosques

Ata finais de mes está aberto o prazo para optar a estas axudas, para as que a Xunta de Galicia destina 5 millóns de euros, cofinanciadas co Fondo Europeo Agrícola de Desenvolvemento Rural (Feader) no marco do Plan de Desenvolvemento Rural de Galicia (PDR 2007-2013). As axudas, cuxa orde foi publicada no DOG do 2 de outubro, teñen entre outros obxectivos a mellora silvícola das masas forestais existentes, e sobre todo a consolidación dos bosques de frondosas caducifolias e sobreiras, así como o aumento da superficie forestal arborizada. Os beneficiarios serán sociedades de fomento forestal, propietarios particulares, sociedades ou agrupacións de propietarios particulares formalmente constituídas e inscritas no Rexistro de Asociacións da Xunta; cooperativas agrarias, proindivisos, montes de varas, abertais, de voces, de vocerío e fabeo, comunidades de bens, entidades locais, outras persoas xurídicas e as comunidades de montes veciñais en man común.•