Apoio da Deputación para a celebración da Feira do Viño de Chantada

Convenio entre Cultura e Turismo e a organización

O delegado de Cultura e Turismo da Deputación de Lugo, Mario Outeiro, e o responsable da Asociación Cultural O Quinto Chote, Xosé Manuel Ledo, na firma do convenio o pasado 3 de outubro. GPVDL.
O delegado de Cultura e Turismo da Deputación de Lugo, Mario Outeiro, e o responsable da Asociación Cultural O Quinto Chote, Xosé Manuel Ledo, na firma do convenio o pasado 3 de outubro. GPVDL.

• A celebración da vindeira edición da Feira do Viño de Chantada contará co apoio da Deputación de Lugo. O delegado da Área de Cultura e Turismo do organismo provincial, Mario Outeiro, asinou o pasado 3 de outubro un convenio coa Asociación Cultural O Quinto Chote, representada por Xosé Manuel Ledo, e que suporá unha aportación de 4.500 euros para a financiación deste evento, unha das citas máis emblemáticas do panorama enoturístico de Galicia.

A FEIRA DO VIÑO, UN “ESTÍMULO” PARA ADEGUEIROS E EMPRESARIOS DA COMARCA CHANTADINA
Logo da sinatura deste convenio, Mario Outeiro destacou esta Feira como un “estímulo” non só para os adegueiros desta subzona da Denominación de Orixe Ribeira Sacra, senón tamén para o resto dos empresarios da comarca chantadina. Outeiro suliñou que a Feira do Viño de Chantada, que está a atraer milleiros de visitantes nos máis de trinta anos de andadura, non se limita ós postos instalados polos adegueiros no recinto feiral e de acceso ó público que visita a feira, senón que tamén inclúe visitas guiadas ás adegas pertencentes a esta subzona vitivinícola.

A Feira do Viño de Chantada, a piques de cumplir a súa trixésimo segunda edición, constitúe un dos eventos enogastronómicos máis importantes da provincia de Lugo. Arquivo EC.
A Feira do Viño de Chantada, a piques de cumplir a súa trixésimo segunda edición, constitúe un dos eventos enogastronómicos máis importantes da provincia de Lugo. Arquivo EC.

CARÁCTER “EXCEPCIONAL” DESTA FEIRA
O delegado de Cultura e Turismo da Deputación destacou o “interese social e cultural” da Feira do Viño de Chantada. Outeiro lembrou que este evento ten un carácter “excepcional” dentro do calendario de celebracións polo enclave onde se realiza, as actividades lúdico-culturais que a acompañan, e a afluencia de público que rexistra ano tras ano.•

Deixa unha resposta

Your email address will not be published.

Nova Anterior

Aberto o prazo para as subvencións de fomento á silvicultura e bosques

Seguinte Nova

Avanzan as obras do novo Centro de Investigación en Biomedicina e Veterinaria en Lugo

Últimas noticias sobre ASOCIACIONISMO

A %d blogueros les gusta esto: