Arrincan as actividades de conciliación familiar e para adultos en Pantón

O luns 20 de outubro comezan en Pantón as actividades para pequenos e maiores, correspondentes ó curso 2014-2015. Así, dentro do programa de conciliación da vida laboral e familiar, o Concello de Pantón pon en marcha, un ano máis, un obradoiro destinado a nenos e nenas de 3 a 13 anos. Este obradoiro desenvolverase os luns no Edificio Sociocultural de Ferreira, en horario de 17 a 18,30 horas. Tamén os luns terá lugar un obradoiro de exercicios mentais e de lectura, destinado ós maiores do municipio, que se desenvolverá na mesma sede en horario de 18,30 a 20 horas. Todas as persoas interesadas en participar nalgunha destas actividades poden inscribirse no Edificio Sociocultural de Ferreira, de luns a venres en horario de 9 a 20 horas.•