Arrincan os obradoiros infantís de conciliación en Sarria

No colexio Frei Luis de Granada e na Escola de Educación Infantil

•Deporte, música, inglés ou informática son algunhas das actividades que ofrece esta programación para as tardes infantís dos días laborables

As instalacións do colexio Frei Luis de Granada acollen a metade das actividades do programa de conciliación posto en marcha dende o Concello de Sarria. EC.
As instalacións do colexio Frei Luis de Granada acollen a metade das actividades do programa de conciliación posto en marcha dende o Concello de Sarria. EC.

• O Concello de Sarria está a poñer en marcha os obradoiros infantís de conciliación correspondentes ó curso 2014-2015, que inclúen actividades deportivas, idiomas e informática, entre outras. Ademais, ofrece un servizo de “madrugadores” de luns a venres, de 8,00 a 10,30 horas, no colexio Frei Luís de Granada, cun custe de 41,29 euros ao ano.

ACTIVIDADES SEMANAIS NO COLEXIO FREI LUÍS DE GRANADA
Nesta mesma sede, a semana comeza co obradoiro de inglés os luns, mentres que os martes e xoves é o turno do baloncesto, actividade xestionada polo C.B. Sarria. Os xoves celebrarase o obradoiro de informática, e os venres desenvolveranse as actividades de iniciación á música, e de teatro, danza e xogos musicais. Todos estes obradoiros realizaranse en horario de 17,20 a 18,45 horas, por un prezo de 41,29 euros ao ano por cada actividade elixida.

OBRADOIROS NA ESCOLA DE EDUCACIÓN INFANTIL
Pola súa banda, a Escola de Educación Infantil de Sarriaofrece tamén o servizo de “madrugadores” en horario de 8,00 a 10,00 horas, por un prezo de 41,29 euros ao ano. O calendario semanal de obradoiros nesta sede iniciarase os luns coas actividades de teatro, musicais e danza moderna. O martes terá lugar o obradoiro de informática básica, que se impartirá na Aula CeMIT, e os mércores será o día da actividade de inglés. O obradoiro de iniciación á música celebrarase os xoves. O horario destas actividades será de 16,45 a 18,00 horas, e o prezo é de 41,29 euros ao ano.
Máis información e inscricións na Oficina Municipal de Información Xuvenil (OMIX) de Sarria, ou no correo electrónico omix@sarria.es.•

Deixa unha resposta

Your email address will not be published.

Nova Anterior

En marcha a programación de outuno da Asociación Crearte

Seguinte Nova

Ata o 30 de outubro pódense presentar traballos ó concurso de curtas co móbil para estudantes galegos de 14 a 18 anos

Últimas noticias sobre CULTURA

 
A %d blogueros les gusta esto: