Dentro das actividades da Axenda Dixital de Galicia 2020

• A Axencia para a Modernización Tecnolóxica de Galicia (AMTEGA) ten publicadas no blog XenteDixital (blog.adg2020.es/) as bases do concurso “Curtas co Móbil da Axenda Dixital de Galicia 2020” dirixido a mozos e mozas matriculados na ESO ou Bacharelato de Galicia, de entre 14 e 18 anos. Este concurso forma parte das iniciativas de elaboración da Axenda Dixital de Galicia 2020. Os obxectivos do certame son explorar a creatividade audiovisual dos mozos e mozas a través da gravación de micromovies, fomentar o traballo en equipo e o uso da lingua galega, e sensibilizar sobre a importancia do desenvolvemento tecnolóxico.
A participación no concurso pode ser individual ou por grupos ata 5 persoas. Os participantes deberán amosar a súa destreza cinematográfica coa gravación dun vídeo dun máximo de 3 minutos onde se visualice como imaxinan que a tecnoloxía transformará Galicia no futuro.

CÓMO PARTICIPAR
Cada equipo designará un titor que forme parte do persoal docente do centro educativo, que fará a inscrición e a entrega das curtas. Xunto ó formulario, o titor do equipo deberá achegar o link ó vídeo que debe ser previamente subido á canle de YouTube do centro ou do titor. Os vídeos recibidos publicaranse no Blog XenteDixital e nas redes sociais da Amtega e serán valorados por un xurado especializado, que preseleccionará os cinco vídeos finalistas. Estes serán publicados en www.facebook.com/amtega, dentro do apartado “Elixe o vídeo finalista do concurso!”, no que calquera internauta poderá votar.
O premio será unha tablet para cada alumno responsable do vídeo máis votado, e unha minitablet para cada un dos responsables do segundo vídeo máis votado. •