Beneficiados todos os colectivos participantes no concurso de cesión dos bens do hospital San José

30 colectivos lucenses sen ánimo de lucro reciben un total de 400 obxectos pertencentes ó antigo hospital

• A Deputación de Lugo aprobou na Xunta de Goberno do pasado día 10 a adxudicación de 400 obxectos do antigo hospital de San José a unha trintena de colectivos lucenses sen ánimo de lucro, que supoñen a totalidade das asociacións que participaron no concurso público que puxo en marcha o organismo provincial a mediados do mes de agosto.
O prego de condicións do concurso para a cesión gratuíta dos bens mobles do antigo hospital San José tiña como obxectivo o seu aproveitamento público e social, e foi dirixido a institucións e entidades públicas ou privadas sen ánimo de lucro, que deberon acreditar que destinarán este material á promoción e ao desenvolvemento da súa actividade.
Según explicou o voceiro provincial socialista, Manuel Martínez, estes 400 bens consisten en aparellos de rehabilitación, camillas, sillóns, sillas, mesas, taquillas, arquivadores, biombos e estanterías metálicas, entre outros. Destes 400 bens, 90 foron sorteados publicamente, posto que foron pedidos por varios colectivos, mentres 300 foron adxudicados directamente a distintas asociacións ao seren obxecto dunha única solicitude. A trintena de colectivos beneficiados recollerán este material a partires de mediados deste mes. Os colectivos beneficiados son o Club de Tenis Muimenta; Asociación Aquilino Iglesias Alvariño. Muimenta; Asociación A Fientosa; Asociación Lucense de Escleroris Múltiple (ALUCEN); Asociación de Alzheimer de Lugo (AFALU); Asociación Cultural Civitas Lucensis; Fundación Secretariado Gitano Lugo; Club de Tiro Real Aeroclub de Lugo; Asociación de Tiradores de Galicia; Asociación As Lombas; IES Ánxel Fole; Club de Tiro San Froilán; Asociación Cultural Trebas Galaicas; Sociedad Protectora de Animales y Plantas de Lugo; Asociación de Veciños Santomé de Gaioso; Asociación O Banquiño Lucense; Lugo Porteiros; Fundación Afan.Lar; Asociación de Mulleres Luguesas Violencia de Género Enriqueta Otero; Asociación de Veciños Santiago Espasandre; Asociación de Mulleres San Bartolomeu de Insua; Asociación Cultural Sociedade Micolóxica Lucus; Asociación Cultural, Veciñal e Deportiva dos Xogos de Muimenta, Xotramu; Asociación de Veciños Xente de Xustás; Asociación Lucense de Ayuda a Enfermos Mentales (ALUME); Colexio Oficial de Odontólogos e Estomatólogos de Lugo; Asociación de Inmigrantes e Retornados Rioplantenses; e Asociación de persoas Sordas de Lugo (ASORLU). A Deputación mantén aberto o prazo de solicitude do concurso público sobre a cesión do inmoble do San José para reutilizalo con fins sociais.•

Deixa unha resposta

Your email address will not be published.

Nova Anterior

Melloras no servizo de reserva on line dos viaxes nos catamaráns

Seguinte Nova

Ata o 31 de outubro poden solicitarse as axudas para o transporte dos universitarios de Sober

Últimas noticias sobre ASOCIACIONISMO

A %d blogueros les gusta esto: