En marcha a programación de outuno da Asociación Crearte

• A Asociación Crearte vén de dar comezo ás actividades de outono, onde a natureza, a meditación, ou a música teñen un espazo destacado. Así, os xoves ás 20 horas teñen lugar na sede de La Unión a actividade gratuíta “5 Ritmos, vén ó presente guiado pola música”, e para a que non se precisan coñecementos musicais previos. Por outra banda, na rúa da Música 1,1º está a desenvolverse o obradoiro de reciclaxe de roupa, os martes e xoves de 20,30 a 22,30 horas. Esta actividade é gratuíta para os socios de Crearte, e para non socios ten un prezo de 10 euros ó mes para media xornada (un só día á semana) e de 20 euros ó mes para xornada completa (dous días á semana). Este obradoiro ofrece coñecementos básicos de corte e confección a partir de roupa usada, un avance de curso de disfraces, e un mercadiño de reciclaxes.
O grupo de meditación zen reúnese ós mércores na Unión ás 20,15 horas, cun prezo de 10 euros ó mes para non socios. Tamén comezarán o 18 de outubro os sete encontros para docentes, que se celebrarán os segundos sábados do mes, para mellorar o clima educativo. Serán ás 17,30 horas na Unión. •