Para maiores a partir dos 55 anos
•O programa inclúe temas de actualidade e estratexias de desenvolvemento persoal

• O programa formativo UNED Senior, que a Universidade Nacional de Educación a Distancia ofrece para maiores de 55 anos, xa está en marcha en diversas vilas da nosa provincia, entre elas Sarria e Monforte. Esta programación, que non precisa de titulacións académicas previas, inclúe este ano cinco cursos, que se imparte en diversas localidades.
UN CURSO EN MONFORTE E DOUS EN SARRIA
Así, o Centro Asociado de Lugo ofrece o curso Introducción ó Dereito e á Ciencia Política, Literatura e Tertulias Literarias, e Psicoloxía e Adestramento da Memoria. Na localidade mariñá de Foz impártese o curso Inglés I, e Monforte acolle o curso de Psicoloxía e Adestramento da Memoria. Este curso tamén se pode seguir dende Sarria, ademais do de Nutrición e Dietética. Estes cursos terán unha duración dun semestre, do 15 de outubro ó 15 de febreiro.
PROMOVER O ENVELLECEMENTO ACTIVO A TRAVÉS DA FORMACIÓN
O obxectivo da UNED Senior é ofrecer unha opción formativa para maiores de 55 anos que queiran acceder a unha formación variada, personalizada e flexible, promovendo o envellecemento activo. A metodoloxía está concebida para responder ó contexto cultural dos estudantes, incorporando todas as posibilidades formativas das novas tecnoloxías da Información e da Comunicación. O deseño dos cursos responde ás demandas da zona de cada centro asociado. •