•Este mes comezaron en Bóveda as actividades deportivas organizadas dende o Concello. A programación inclúe diversas modalidades deportivas, con sesións ao longo da semana. Para nenos e nenas de 6 a 12 anos están pensadas as actividades de voleibol, os mércores de 18 a 19 horas, e as de patinaxe para 3 a 12 anos, os martes no mesmo horario. O custe de cada unha das actividades é de 10 euros ao mes.
DEPORTE PARA MOZOS E ADULTOS
Para xóvenes e adultos, a programación ofrece sesións de GAP (ximnasia específica para glúteos, abdome e pernas), os venres de 20,30 a 21,30 horas. Tamén haberá ioga os luns de 21 a 22 horas, e gim jazz os xoves de 20,30 a 21,30 horas. O custe de cada actividade é de 20 euros ao mes.
PINTURA, REFORZO ESCOLAR E INGLÉS PARA NENOS E NENAS ATA 12 ANOS
En canto ás actividades educativas, a oferta abrangue todas as idades. Así, os máis cativos contan con clases de pintura, os venres de 17 a 18,30 horas, reforzo escolar os martes e venres de 17 a 18,30 horas, e de inglés os sábados de 17,30 a 18,30 horas.
INGLÉS PARA A MOCIDADE
Para a mocidade a partir dos 12 anos, está pensada a actividade de inglés, os sábados de 16 a 17,30 horas. O custe das sesións de pintura e reforzo escolar é de 15 euros ao mes cada unha, e as de inglés para todas as idades teñen un prezo mensual de 25 euros.
MEMORIA E NOVAS TECNOLOXÍAS, PARA ADULTOS E MAIORES EN BÓVEDA E RUBIÁN
Para adultos e maiores, o Concello de Bóveda ofrece unha actividade de memoria e novas tecnoloxías, que se desenvolve os martes en Bóveda de 11,30 a 12,30 horas, e os venres en Rubián de 11,30 a 12,30 horas, cun custe de 5 euros ao mes.
Ademais, outras actividades como Club de Lectura na Biblioteca Municipal, a academia de costura os luns no Centro Sociocultural, encaixe de bolillos os venres no concello vello, pintura para adultos os martes nesta mesma sede, e a ximnasia de mantemento para maiores os mércores e venres no Centro Sociocultural de Bóveda, e os martes e xoves nas naves da feira en Rubián.•
Cargando ...
