Asinado o convenio de reversión de Expolemos ao Concello de Monforte

Para poñer en uso «canto antes» estas instalacións

O alcalde de Monforte, Severino Rodríguez, visitou as instalacións de Expolemos acompañado polo vicepresidente da Xunta de Galicia, Alfonso Rueda, e a delegada territorial da Xunta en Lugo, Raquel Arias, para asinar o convenio de reversión deste edificio ao Concello de Monforte o pasado 24 de outubro.  GPXG.
O alcalde de Monforte, Severino Rodríguez, visitou as instalacións de Expolemos acompañado polo vicepresidente da Xunta de Galicia, Alfonso Rueda, e a delegada territorial da Xunta en Lugo, Raquel Arias, para asinar o convenio de reversión deste edificio ao Concello de Monforte o pasado 24 de outubro. GPXG.

•O 24 de outubro tivo lugar en Monforte a sinatura do convenio de reversión do edificio Expolemos ao Concello de Monforte. No acto participou, en representación da Xunta de Galicia, o vicepresidente do Goberno galego, Alfonso Rueda, e o alcalde de Monforte, Severino Rodríguez. A sinatura contou coa presencia da delegada territorial da Xunta en Lugo, Raquel Arias.

«DARLLE USO AO EDIFICIO EXPOLEMOS O MÁIS RÁPIDO POSIBLE»
O rexedor monfortino explicou a situación na que se atopaba este edificio, e fixo alusión á cláusula de reversión incluída no contrato de cesión da parcela. En virtude desta cláusula, o Concello de Monforte poderá darlle uso a estas instalacións, e según explicou o alcalde, xa conta con algunhas propostas «incipientes e que hai que analizar». Severino Rodríguez apuntou que dende o Concello de Monforte «faremos todo o posible para que este edificio teña utilidade o máis rápido posible».

COOPERACIÓN COS CONCELLOS E EVITAR DUPLICIDADES
Pola súa banda, o vicepresidente da Xunta, Alfonso Rueda, explicou que a reversión do Centro Comarcal Expolemos ao Concello de Monforte enmárcase dentro da dobre liña de traballo do Goberno galego, que busca a racionalización da Administración e a cooperación cos concellos. O vicepresidente da Xunta precisou que ao deixar de cumprirse as funcións para as que estaba destinado o edificio de Expolemos, existía a «obriga de darlle utilidade». Neste sentido, Rueda lembrou que a Xunta xa leva materializada a reversión dunha ducia de centros comarcais por toda Galicia, co obxectivo de reducir duplicidades e sumar esforzos entre as Administracións «para ofrecer mellores servizos aos cidadáns».

COLABORACIÓN COS CONCELLOS A TRAVÉS DOS CIM
Na súa visita a Monforte, o vicepresidente da Xunta achegouse ata o Centro de Información á Muller (CIM). Rueda destacou que o centro monfortino «non só exemplifica a colaboración dos concellos coa Xunta, senón entre os propios municipios», xa que o CIM de Monforte presta servizo tamén aos concellos de Bóveda, Pantón, A Pobra do Brollón, O Saviñao e Sober.
Desde 2009 o Centro de Información á Muller de Monforte recibiu da Xunta máis de 250.000 euros para o seu mantemento. O ano pasado atendeu a 487 mulleres e 2.840 consultas, e no que vai de ano atendeu a 64 persoas e 1.219 consultas.•

Deixa unha resposta

Your email address will not be published.

Nova Anterior

A ruta do Románico de Pantón, das máis solicitadas este verán

Seguinte Nova

Actividades para todos os públicos en Bóveda

Últimas noticias sobre INFRAESTRUCTURAS

   
A %d blogueros les gusta esto: