•O Museo Provincial de Lugo acolle ata o 16 de novembro a exposición “Unha romaxe singular”, unha mostra fotográfica sobre a romaxe da Nosa Señora dos Remedios da Ermida, en Quiroga, na que destaca a presencia dos personaxes do Meco e as Pampónigas. Esta exposición, organizada pola Asociación Cultural Souto do Val, pode visitarse de luns a venres de 9 a 21 horas, os sábados de 10,30 a 14,00 e de 16,30 a 20,00 horas, e os domingos e festivos de 11,00 a 14,00 horas.
A romaxe da Nosa Señora dos Remedios da Ermida conta coa saída do Meco e as Pampónigas, unha tradición ancestral que se celebra o 8 e o 9 de setembro na parroquia da Ermida, en Quiroga, e que é un dos exemplos máis claros da riqueza do patrimonio cultural inmaterial do sur de Lugo. A área de Cultura e Turismo da Deputación colabora anualmente coa Asociación Cultural para facer posible o mantemento desta celebración.
Cargando ...
