•A biblioteca municipal inaugurou unha exposición sobre o mundo do cómic e a banda deseñada
•O 24 de outubro celebrouse o Día da Biblioteca, para reivindicar este espazo como punto de encontro cultural, lúdico e social. A Biblioteca Municipal de Bóveda sumouse a esta efeméride cunha xornada adicada ao cómic. Así, inaugurouse unha exposición composta por unha ducia de murais nos que se pode viaxar pola historia do cómic acompañados polos tan coñecidos superheroes, como Superman, Flash Gordon ou Astérix, pasando por Mafalda e Os Simpson. A linguaxe do cómic, o seu poder de seducción a través da imaxe, unha pequena historia do cómic en España ou unha semblanza dos nosos debuxantes máis destacados conforman esta mostra. Tralo percorrido divulgativo, a sala de lectura ofrece a posibilidade de acceder a máis de medio cento de exemplares, procedentes do fondo da biblioteca, que dan boa mostra da saúde e o dinamismo deste xénero, como puideron comprobar os diversos grupos de escolares que se achegaron ata a Biblioteca nesta xornada singular. •
