•A Área de Deportes da Deputación e o Concello de Monforte asinaron un convenio polo que o organismo provincial achegará 11.400 euros para afrontar os gastos destes dous eventos deportivos •O Campus de Fútbol Cidade de Monforte e a Carreira Popular celebrados este ano reuniron a máis de 1.100 deportistas na cidade do Cabe
• A Vicepresidencia Primera da Deputación de Lugo, a través do deputado Mario Outeiro, e o Concello de Monforte de Lemos, representado polo seu alcalde, Severino Rodríguez, asinaron o 7 de novembro un convenio de carácter excepcional para financiar dous eventos deportivos deste ano. Según este convenio, o organismo provincial aportará unha axuda de 11.400 ao concello monfortino para afrontar parte dos gastos derivados da sexta Carreira Popular Concello de Monforte, celebrada a finais do mes de marzo, e o oitavo Campus de Fútbol Cidade de Monforte, que tivo lugar a principios de agosto.
FOMENTAR O DEPORTE SEN FRONTEIRAS MUNICIPAIS
Según explicou o responsable provincial, a Carreira Popular de Monforte non só veu cubrir as necesidades da veciñanza, senón que estivo aberta á participación de persoas dos municipios limítrofes, “tratando de dinamizar deste xeito deportivamente os concellos do seu carón”. Asimesmo, tanto a Carreira Popular como o Campus de Fútbol trataron de incrementar o índice de participación do colectivo feminino.
APOSTA DO CONCELLO DE MONFORTE POLO DEPORTE DE CARÁCTER POPULAR
Pola súa banda, o alcalde de Monforte, Severino Rodríguez, suliñou o “esforzo” do seu equipo de Goberno “por apostar por eventos de carácter popular, eventos onde todo aquel que o desexe poida participar sen necesidade de estar federado”.•
