77 centros de toda Galicia sumáronse á iniciativa

• O 5 de novembro celebrouse o V Día da Ciencia en Galego, unha iniciativa promovida pola Coordinadora Galega de Equipos de Normalización e Dinamización Lingüística. A esta iniciativa sumouse o IES Lama das Quendas, de Chantada, xunto con outros 76 centros de Secundaria de toda Galicia. Destacados investigadores das universidades galegas achegaron temáticas de interés curricular nas áreas de ciencias e física ao alumnado de 1º de Bacharelato, que puido realizar comentarios ou emitir preguntas aos investigadores a través dun chat habilitado para este evento.
Ademais, e dentro da programación extraescolar do IES Lama das Quendas, celebrouse o día 10 unha charla sobre novas tecnoloxías, dentro do Plan Director para a Convivencia e a mellora da Seguridade Escolar. A charla estivo dirixida ao alumnado e a toda a comunidade educativa.•