Decoración de cabazas e sesión de contos de medo no Samaín en Monforte
Para celebrar o Samaín, a Concellería de Cultura e Educación de Monforte organizou na Casa da Cultura un obradoiro destinado aos máis novos, no que puideron disfrutar decorando cabazas, e participando nunha sesión de contos de medo. (Foto cedida).
Cabazas vixías no Samaín de Sarria
• Xa que o Samaín é un día de festa e medo, as características cabazas funcionaron como vixías nesa noite tan especial, como así se puido comprobar ás portas do IES Xograr Afonso Gómez, en Sarria. Unha terrorífica cucurbitácea saudounos dende a súa atalaia. EC
Samaín para todos en Bóveda
• Creatividade, bo humor e espíritu veciñal foron as claves do éxito da festa do Samaín celebrada no Centro Sociocultural de Bóveda. Preto de 100 persoas disfrutaron dunha xornada de xogos populares, disfraces e merenda característica desta celebración.
Veciñas do concello elaboraron doces para esta festa, na que tamén se deu boa conta das castañas. Os nenos fixeron disfraces, manualidades e maquillaxes de Samaín, e na celebración participou un grupo de persoas da Residencia de Bóveda, que sorprenderon cos seus disfraces de zombies nunha divertida xornada.•
Os máis cativos de Sober achegáronse á tradición do Samaín
Os máis novos de Sober disfrutaron dunha festa de Samaín na Gardería Municipal. Nais e pais, entre os que se atopaba o rexedor soberino, Luis Fernández Guitián, acompañaron aos seus fillos e fillas nesta singular cita do calendario de celebracións deste centro educativo. (Fotos cedidas).
Cargando ...
