O Concello de Monforte emitiu un telegrama de condolencia polo falecemento da Duquesa de Alba

• Con motivo do falecemento, o 20 de novembro, de Cayetana Fitz-James Stuart, Duquesa de Alba e Filla Adoptiva de Monforte, o Alcalde emitiu un telegrama á Casa de Alba para expresar “o profundo pesar do pobo de Monforte” por este deceso. O telegrama lembra á Duquesa como “muller de personalidade irrepetible”, e suliña que “a súa xenerosidade cos monfortinos perdurará na nosa memoria”. Está previsto que na vindeira sesión plenaria se garde un minuto de silencio, antes de proceder á lectura dunha declaración institucional.•